أنــــــــــــــا المـــــــــــــــصري

**الزعيم** السبت يوليو 07, 2012 4:49 am

عايش قرفان فبلد مغمومة
عايش زهقان والناس مهمومة
بحاول أعيش حياتي وأجرب
لكن أمالي يوماتي بتهرب
أنا المصري

سافرت الخليج أشوف شغلانة
شفت المرار ودقت المهانة
رجعت لبلدي فاتحلها دراعي
لقيت وجودي ملوش عندها داعي
حياة مفيش .. مستقبل مليش
ومهما عملت .. حياتي فطيس
أنا المصري

فبلدي الناس عدد في اللمون
لوملكش معارف تعيش مجنون
غرقت أو مت اتحرقت أو تهت
كأني ما كنت
أنا المصري

هسافر يابلدي لبلاد بعيدة
عايز أجرب حياة جديدة
يمكن نجاح ويمكن سقوط
بس المهم أعيش مبسوط
أعيش بنى آدم وليا كيان
مش مجرد خروف بشكل انسان
أنا المصري

وفاكرك يابلدي أكيد مش ناسيكي
بشستاقلك .. بحبك .. بحب اللي فيكي
هسافر وهنجح وأعودلك أكيد
أعودلك كأني اتولدت جديد
أفديكي يا بلدي بحياتي وعمري
ومهما عملتي بحبك يا عمري
لأني طول عمري اسمي المصري